पात्रोय् हे साइत उल्लेख यायेत माग

येँ – मोहनि स्वन्ति थेंज्याःगु साइत आः पात्रोय् हे उल्लेख यायेत माग याःगु दु । विशेष यानाः साइतय् नखःया ज्याखँ यायेमाःपिंसं मोहनि, स्वन्तिया साइत पात्रोय् हे उल्लेख यायेत माग याःगु खः । नेपाल पंचांग निर्णायक समितिं मोहनिया नःला स्वनेगुनिसें फुलपाति व चालं नापं स्वन्तिया इलय् किजापुजा यायेगु साइत पित बीगु याना वयाच्वंगु दु ।

अज्याःगु साइत नखःया न्ह्यःने जक पित बीगु याना वयाच्वंगु थासय् आवंलि समितिं हे स्वीकृत याइगु पात्रोय् नं महत्वपूर्ण नखःया साइत दुथ्याकेत माग यानाहःगु खः । राष्ट्रिय धर्मसभा नेपालं ग्वसाः ग्वःगु पत्रकार सम्मेलनय् समितिया छुं व्यक्तितय् परामर्शया लिधंसाय् साइत पिथनेगु ज्यां आपालं त्रुटि जुयाच्वंगु धासें धर्मसभां ग्वसा ग्वइगु पण्डित सम्मेलनं हे साइतया विषयय् निर्णय यायेमाःगु खँय् नं बः बिउगु दु ।

धर्मसभाया अध्यक्ष नापं समितिया पुलांम्ह अध्यक्ष प्रा. डा. माधव भट्टराईं नःलास्वां पीगु दिंकुन्हुया जक साइत पिथनेगु ज्यां सर्वसाधारण अन्योलय् लाःगु खँ धयादिल । न्हापा सरोकार दुपिं सकले मुँज्या च्वनाः निर्णय यायेगु याना वयाच्वंगु खःसा उगु परम्परा त्वाःथलाः चालं, देवी विसर्जन थेंज्याःगु ज्या यायेबलय् खने दयाच्वंगु अन्योलयाता ध्यान बिउगु खने मदुगु वय्कलं धयादिल । २०७६ सालया पात्रोय् हे साइत व्यवस्था यायेत माग याःगु खः ।

सम्बन्धित बुखँ

LEAVE YOUR COMMENTS