येँया यंकिदहलय् छम्हेसित कोरोना, संक्रमितत २४९म्ह थ्यन
येँ – नेपालय् हानं ३म्हेसित कोरोना भाइरसया संक्रमण जूगु दु । येँ नापं जनकपुर व धादिङय् छम्ह–छम्हेसित संक्रमण जूगु खः ।
येँया यंकिदहलय् छम्हेसित कोरोनाया संक्रमण जूगु खः । बिहीवाः बहनी यंकिदहया ७दँया मचाया संक्रमण जूगु पुष्टि जूगु खः । अथेहे धुनषा जनकपुरया १७दँया मिसा व धादिङ छेँ जुम्ह ३०दँया मिसयात नं कोरोना भाइरसया संक्रमण जूगु खँ स्वास्थ्य तथा जनसंख्या मन्त्रालयं धाःगु दु । मन्त्रालयया कथं स्वम्हेसियां अवस्था सामान्य दु ।
नेपालय् आः कोरोना संक्रमिततय् ल्याः मुक्कं २४९म्ह थ्यंगु दु ।
LEAVE YOUR COMMENTS