थप न्यागू किलाे सहित २३ किलो लुँ ज्वन
येँ – कञ्चनपुरया पुनर्बास नगरपालिका–२ लय् म्हिगः प्रहरीं १८ किलो लुँ ज्वंगु लिसे हे स्वाःगु थप न्यागू किलाे लुँ ज्वगु दु । सिबीअाइ प्रहरीं कञ्चनपुरया शुक्लाफाँटा नगरपालिका–११ अमरपुरया सुरज तिरुवाया गोठय् सुचुकातःगु अवस्थाय् थप न्यागू किलाे ६०० ग्राम लुँ बरामद याःगु खः ।
पुनर्बासय् ज्वंगु लुँ आलु भण्डारण यानातःगु क्वथाय् गाः म्हुया ल्हाकातःगु अवस्थाय् लूगु खः । तुयूगु प्लाष्टिक बोराय् तयाः प्रत्येक लुँयागु बिस्कुटयात हाकुगु कापतं हिनातःगु अवस्था लुइकूगु खः । लुँया लिसें छम्ह मनू नं ज्वंगु दु ।
प्रहरीया कथं उगु लुँ भारतया न्हू दिल्लीं नेपाः दुहां वःगु खः । लुँ तस्करया गाडी चले याइम्ह नेपाली ड्राइभरं थःम्ह चले यानावःगु गाडी लुँ दुगु सीवं गाडीयात नेपालय् हःगु खः । उगु लुँयात ड्राइभर थः किजाया ससलय् १८ किलाे सुचुके यंकूगु खःसा थःगु छेँय् न्यागू किलाे सुचुकातःगु खः । प्रहरी गाडी ड्राइभर बारे नं जानकारी बिउगु मदुनिसा थःपिंतु लुँया सुचं गनं वःगु धयागु बारे नं जानकारी बिउगु मदुनि ।
नेपालं भारतपाखे लुँ तस्करी जुइगु खःसां भारतं नेपालय् लुँ दुहां वःगु जुयाः थ्व लुँ भारतय् खुयाः नेपालय् हःगु न्हापा हे अनुमान याःगु दु । नेपालय् थीथी अरेबियन मुलुकं लुँ वयेगु याःसा चीनया कोरल्ला नाकां नं लुँ तस्करी जुयाः वयेगु याः ।
LEAVE YOUR COMMENTS