महिला संघया आन्दोलन सुरु

येँ – नेपाली कांग्रेस समर्थित नेपाल महिला संघं देय्न्यंकं अप्वया वनाच्वंगु मिसा हिंसा व थिकेगु बजाः भाःयात मुद्दा दयेकाः विरोध कार्यक्रम न्ह्याकूगु दु ।
नेपाल महिला संघ येँ, यल व ख्वप जिल्ला कार्यसमितिया मंकाः ग्वसालय् म्हिगः थनया माइतीघर मण्डलां न्ह्याःगु जुलुसं बबरमहलय् थ्यंकाः येँ जिल्लाया प्रमुख जिल्ला अधिकारी रामप्रसाद आचार्ययात ज्ञापन पौ लःल्हाःगु दु ।

जुलुसय् बलात्कारीयात कारबाही या, अप्वया वनाच्वंगु महंगी नियन्त्रण या, कानुनी राज्यया पालना या, पेट्रोलियम पदार्थय् थहां वंगु भाः लित का धइगु नारा थ्वयेकूगु खः । मिसा नेतृतय्सं ‘ओली सरकारया चमत्कार, महंगी व बलात्कार’ धइगु प्लेकार्ड ज्वनाः ब्वया वःगु खः ।