जापानय् तच्वःगु वाफय्

पश्चिमी जापानय् बिहिवाः तच्वःगु वाःफय् वःगु दु । वंगु महिनाय् जक तच्वःगु वाफसं यानाः बांमलाक प्रभावित जूगु थाय् लगायत मेमेगु थासय् नं तसकं वा वइगु व चलः वयेफुगु चेतावनी मौसम विज्ञान विभागं बिउगु दु ।

ग्रीनवीच ई कथं बुधवाः बहनी ११ बजे सिमारोन नांया वाःफय् गोटो द्वीपपाखें थ्यंमथ्यं १८९ किलोमिटर दक्षिण पश्चिमय् २१६ किलोमिटर प्रतिघण्टाया रफ्तारं न्ह्याः वःगु खः । थ्व वाःफय्या कारणं बिहिवाः चान्हय् भूस्खलन जुइफुगु आशंका यानातःगु दु । थ्व वाःफय् शुक्रवाः सुथय् देय्या उत्तरी भुभागय् थ्यनीगु अनुमान यानातःगु दु ।

वाःफय्या लिसें तसकं वा वयेफुगु सम्भावना दुगु धासें विभागं जापानया मध्य भागय् शुक्रवाः न्हिनय् ३१ इञ्च तक वा वयेफुगु खँ धाःगु दु । तसकं वा वइगु सम्भावना दुगु थाय् वंगु महिनाय् खुसिबालं प्रभावित जूगु थाय् नं लानाच्वंगु दु । वंगु जुलाइलय् वःगु खुसिबाः व चलखं यानाः जापानय् निसलं मल्याक मनूतय् ज्यान वंगु खः ।