यमनी जहाजय् हुथी विद्रोहीया आक्रमण

सना – यमनया छगः जहाजय् हुथी विद्रोहीतय्सं क्षेप्यास्त्र आत्रमण याःगु दु । लाल सागरया बाब अल मन्डेब स्टे«टय् यमनया व्यापारिक जहाजय् हुथी विद्रोहीं क्षेप्यास्त्र आक्रमण याःगु खः ।

हुथीया आक्रमणं म्होतिं नं झिंछम्ह सीगु यमन सरकारं न्ह्यथंगु दु । यमनया यातायात मन्त्रालयं हुथी विद्रोहीतय्सं नसाज्वलं ल्ह्यइगु चिग्वःगु मालवाहक जहाज तिहामाय् स्वंगः क्षेप्यास्त्र प्रहार याःगु खँ धाःगु दु ।

क्षेप्यास्त्र प्रहार लिपा जहाजय् मिं नःगु खःसा तत्काल चालक दलया प्यम्ह, स्वम्ह पाकिस्तानी नागरिक व छम्ह इन्डोनेसियाया नागरिकलिसें मेम्ह छम्ह उद्धारकर्मी घाःपाः जूगु मन्त्रालयं सीएनएनयात धाःगु दु ।

आक्रमण लगत्तै हे उद्धार व अनुसन्धान न्ह्याकूगु खःसा हुथी विद्रोहीतय्सं निक्वःखुसी हाकनं आक्रमण यानाः उद्धार टोलीलिसें जहाजय् दुपिं मेपिं यात्रुतय् जीवन नं खतराय् लाकेगु कुतः याःगु खँ धाःगु दु । यमनया तटरक्षकं सीपिं मध्ये निम्ह उद्धारकर्मी जूगु पुष्टि याःगु दु ।