ने. सं. ११४६ गुँलाथ्व पारू - गुँलापर्व न्ह्यइगु

थनिंनिसें गुंला शुरु

येँ (नेपालभाषा टाइम्स) – थनिंनिसें गुंला पर्व शुरु जूगु दु । थनिंनिसें लछियंकं बौद्ध धर्मावलम्बिपिं चीभाः चैत्य, विहारय् वनेगु याइ । येँयापिं स्वयम्भूइ वनी । गुंला बाजंलिसे थीथी बाजं थानाः भगवान बुद्धया चीभाः चैत्य परिक्रमा व पूजा यायेगु ज्या गुंलाया झ्वलय् जुइ । उकथं हे यलया च्यासः त्वालय् च्वंगु चिकं बहिलिइ थनिंनिसें लुँचिद्यः थायेगु ज्या न्ह्याइ । लुँचि थायेगु धकाः लछियंकं चैत्य दयेकेगु ज्या न्ह्याइ ।