पुरातात्विक सम्पदा डिजिटल अर्काइभय्

येँ – येँ महानगरपालिका अन्तर्गतया सहरी योजना आयोगं स्वनिगःया पुरातात्विक सम्पदाया डिजिटल अर्काइभ दयेकाः तइगु जूगु दु । आयोगं येँ महानगरपालिका दुनेया पुरातात्विक सम्पदाया डिजिटल अर्काइभ दयेकेत्यंगु खः । आयोगं चालु आर्थिक दँय् पुरातात्विक सम्पदाया डिजिटल अर्काइभ दयेकेगु नापं मेमेगु नं ज्या यायेगु योजना हःगु दु ।

आयोगं पुलांगु ज्यायात निरन्तरता बिया वनेगु व न्हूगु करिब निगूत्या दर्जन ज्या यायेगु योजना दयेकूगु दु । न्हूगु ज्याया योजनाय् पुरातात्विक सम्पदाया डिजिटल अर्काइभ तयेगु ज्या वास्तवाय् न्हूगु व महत्वपूर्ण ज्या जूगु आयोगं न्ह्यथंगु दु । आयोगं थुकथं पुरातात्विक सम्पदाया डिजिटल अर्काइभ दयेकेगु झ्वलय् थनया टेकुइ च्वंगु पचली भैरवया संरक्षण, आकाशे ताँ निर्माण, टेक्नोलाजीया प्रतिस्पर्धा, तथ्यांक केन्द्र स्थापना, प्रशासननिक सुधार लगायत थीथी ज्या याइगु जूगु दु ।

अथे हे अनौपचारिक क्षेत्र सुधार, साझेदारी विकास, महानगरपालिकाया गुणस्तरीयता सम्बन्धी मापदण्ड, वातावरणीय अध्ययन अनुसन्धान, स्वास्थ्य सेवा व फार्मेसी (वासः पसः) संचालन, साइकल ट्र््याक निर्माण, सार्वजनिक संरचना मर्मत, सहरी यातायात सुधार लगायतया क्षेत्रय् नं ज्या यायेगु आयोगं न्ह्यथंगु दु ।