मोदीविरुद्ध अविश्वास प्रस्ताव विफल

भारतीय प्रधानमन्त्री नरेन्द्र मोदी विरुद्ध संसदय् तःगु अविश्वासया प्रस्ताव असफल जूगु दु । शुक्रवाः झिंछघौया बहस लिपा शनिवाः जूगु मतदानय् मोदीं बहुमत क्यंगु खः । मतदानय् अविश्वासया प्रसतावया पक्षय् मुक्कं १२६ मत वंगु खःसा विपक्षय् ३२५ मत वंगु खः ।

मतदान जुइ न्ह्यः संसदय् न्ववासें प्रधानमन्त्री मोदीं विपक्षीयाके ‘मोदियात चिइके’ धयागु एकसूत्रीय माग जक दुगुलिं थ्व अविश्वासया प्रस्ताव वःगु खँ धयादीगु खः । मोदीं भाषण यानाच्वंगु इलय् धाःसा विपक्षी सांसदतय्सं संसदय् नाराबाजी यानाच्वंगु खः ।संसदय् कांग्रेसया समर्थनय् तेलूगु देशम पार्टीपाखें थ्व अविश्वासया प्रस्ताव दर्ता याःगु खः ।

मोदीया भाषण लिपा न्ववासें तेलूग देशमया नेता श्रीनिवास केसिनेनीं मोदीया भाषण डेढ दुई घन्टाया छगू ब्लकबस्टर फिल्म स्वयाच्वनागु थें च्वं धासें मोदी संसारया हे उत्कृष्ट अभिनेता जूगु टिप्पणी यानादीगु खः ।संसदय् न्ववासें कांग्रेसया नेता राहुल गान्धीं फ्रान्सं ३६ रफायल लडाकु विमान न्याःबलय् मोदी सरकारं भ्रष्टाचार याःगु द्वपं बियादीगु खः ।