संस्कृति

यल(नेपालभाषा टाइम्स)/ यल महानगरपालिका प्रमुख चिरिबाबु महर्जनं छगू दशक न्ह्यःया विनाशकारी तःभुखाचं क्षति जूगु यल महानगर दुनेया दक्वं सम्पदा पुनःनिर्माण क्वचाःगु खँ धयादीगु दु । यल महानगर प्रमुख महर्जनं २०७२ सालया गोरखाया बारपाक केन्द्र विन्दु जुयाः ब्वःगु विनाशकारी तःभुखाचं क्षति याःगु सांस्कृतिक महत्वया सम्पदा पुनःनिर्माण क्वचाःगु धयादीगु खः । सिजन मिडियाया १७ क्वःगु वार्षिकोत्सवया लसताय् जूगु ज्याझ्वलय् […]

किपू(नेपालभाषा टाइम्स)/ मल्लकालीन प्राचीन बुंगाःचाय् लः सुना वंगु धासें नाग साधना पुजा याःगु दु । किपू नगरपालिका २ वडा द्यःध्वाखास्थित न्याम्हासिमा परिसरय् च्वंगु मल्लकालीन प्राचीन ‘लक्ष्मी बुंगाः’चाय् लः सुना वनेवं जलजगे नाग साधना पुजा याःगु खः । वंगु मंगलवाः उगु बुंगाःचाय् लः सुना वंगुलिं हाकनं लः मुनेमा धइगु कामना यासें उकथं नाग साधना पुजा याःगु खः । द्यःध्वाखाया […]

थनिं निसें यँयाः सुरु येँ (नेपालभाषा टाइम्स)/ थनया हनुमानध्वाखय् कालभैरव न्ह्यःने तयातःगु यःसिं थौं सुथय् १०ः३१ बजे साइतय् थंगु दु । यःसिं थनेवं यँयाः न्ह्याइ । थौं यःसिं थनेगु निंतिं म्हिगः चसांद्वःया मानन्धर गुथिं वलः घायेगु ज्या याःगु खः । थौं हे थःथिति मदुपिनि छेँजःपिं उपाकु वनेगु धकाः पाल्चा च्याकाः येँया पुलांगु बस्ती चाःहिलीगु चलन दु ।

येँ(नेपालभाषा टाइम्स)/येँ देय्या तःजिगु नखः यँयाः न्ह्यःने थ्यंकः वयेधुंकूगु दु । सांस्कृतिक, धार्मिक व ऐतिहासिक महत्वं जाःगु यँयाः नखःया न्ह्यःने थ्यंकः वःलिसें यँयाःयात सभ्य, भव्य, व्यवस्थित व मर्यादित रुपं संचालन यायेत जात्रालिसे सम्बन्धित व सरोकारवाला थीथी गुथि, खलः, पुचलं थःथःगु हे कथंया तयारी नं न्ह्याका हयेधुंकूगु दु । थ्व हे झ्वलय् यँयाःया दकलय् महत्वपूर्ण व प्रमुख आकर्षणमध्ये […]

येँ (नेपालभाषा टाइम्स)/ येँ महानगरपालिकां येँयाःया झ्वलय् भिडियो डकुमेन्ट्री च्यालेञ्ज याइगु जूगु दु । थ्व च्यालेञ्ज स्वंगू विधाय् जुइ । येँ महानगरपालिकापाखें सोमवाः छगू पत्रकार सम्मेलन यानाः बिउगु जानकारी कथं न्हापांगु विधा अन्तर्गत थुगुसीया जात्राय् आधारित भिडियो सामग्री जुइसा निगूगु विधा अन्तर्गत न्हापाया जात्रा व थुगुसीया जात्राया तुलनात्मक दृश्य दुथ्याकातःगु सामग्री जुइ । थ्व निगुलिं विधाय् झिंखुदँ निसें […]

  येँ(नेपालभाषा टाइम्स)/ येँ महानगरपालिका २१ वडाया ग्वसालय् लगं त्वालय् शाक्य वज्राचार्यतय् बहाः बहीया गुंला बाजं (धाःबाजंं)या ब्वज्या जुल । कीर्तिपूण्य महाविहार गुंला बाजं खलःया व्यवस्थापनय् जूगु ज्याझ्वलय् येँ देय्या थीथी बहाः बहीया खुगू गुंला बाजं खलकं ब्वति काःगु खः । येँ महानगरपालिकाया उपप्रमुख सुनिता डंगोलं ज्याझ्वःया उलेज्या यासें नखःचखःलिसें सांस्कृतिक, परम्परागत महत्वया अमूर्त सम्पदाया रुपय् दयाच्वंगु […]