सहकारी नं कर्जा सुचना केन्द्रय् विवरण बुझे यायेमालीगु
येँ – नेपाल राष्ट्र बैंकं लुघवित्त व सहकारी संस्थायात कर्जा सूचना केन्द्रया सञ्जालय् दुथ्याकीगु जूगु दु । न्हापा वाणिज्य बैक व विकास बैंकं जक थःगु वित्तीय विवरण कर्जा सूचना केन्द्रय् छ्वयेमाःगु खःसा आः सहकारी व लघुवित्तं नं कर्जा सुचना केन्द्रय् थःपिनि वित्तीय विवरण छ्वयेमाःगु व्यवस्था यायेत्य्गु खः ।
राष्ट्र बैंकं नकतिनि सार्वजनिक याःगु आर्थिक दँ २०७५÷७६ या मौद्रिक नीति थज्याःगु सुचं छ्वयामहःगु संस्थातय्सं साउन महिना निसें निगू प्रतिशतया ल्याखं कर्जा नोक्सानी व्यवस्था यायेमाःगु खँ न्ह्यथनातःगु दु । नेपालय् थौंकन्हय् सहकारी संस्थातय् ल्याः थ्यंमथ्यं ३५ हजार दु । थुकी मध्ये ८० प्रतिशत सहकारी संस्थातय्सं वित्तीय कारोवार यानाच्वंगु दुसा थुमिसं जक थ्यंमथ्यं प्यंगू खर्ब तकाया कारोवार यानाच्वंगु दु ।
राष्ट्र बैंकं नकतिनि सार्वजनिक याःगु आर्थिक दँ २०७५÷७६ या मौद्रिक नीति थज्याःगु सुचं छ्वयामहःगु संस्थातय्सं साउन महिना निसें निगू प्रतिशतया ल्याखं कर्जा नोक्सानी व्यवस्था यायेमाःगु खँ न्ह्यथनातःगु दु ।
सहकारी विभागया रजिष्टार केशवप्रसाद रेग्मीया कथं थौंकन्हय् वाणिज्य बैंक व सहकारी संस्थातय् व्याजदर अन्तर ६ प्रतिशत धयाथें दु । वाणिज्य बैंकतय्सं म्होतिं नं १० निसें १३ प्रतिशतं तक व सहकारी संस्थातय्सं १५ निसें १९ प्रतिशत ब्याजं तक त्यासा बियाच्वंगु दु ।
सहकारी व बैंकया ब्याजदरय् यक्व अन्तर दुगुलिं गुलिं गुलिं ब्यापारीतय्सं बैंकं दंगु भावं त्यासा कयाः सहकारीइ अप्व ब्याज कयाः बचत यानाः याउँक कमे नं यानाच्वंगु दु ।
थथे छुं हे यायेम्वाःयेक ध्यबा दुहां वयाच्वंगु स्वरोजगारया उपाय मालेगु ज्या नं मजुयाच्वंगु सहकारीकर्मीतय्सं धयाच्वंगु दु । राष्ट्र बैंकं पितबिउगु मौद्रिक नीतिं दैनिक कर्जा सुचना केन्द्रय् कारोवार विवरण छ्वयेमाःगु खँ न्ह्यथनातःगु दु । थुकिं गुगु वित्तीय संस्थां गुलि ध्यबा लिकाल, व ध्यबा गने वन धयागु विवरण सुचना केन्द्रय् खनेदइगु खँ धाःगु दु ।
LEAVE YOUR COMMENTS