‘कर फस्र्यौट आयोगया कारणं देशयात नोक्सानी जुल’

येँ – अर्थमन्त्री डा. युवराज खतिवडां एनसेलया लाभकरयात कयाः न्ववानादिसें पुलांम्ह अर्थमन्त्री रामशरण महतया कारणं देशं यक्व नोक्सानी फयेमाःगु खँ धयादीगु दु । डा. महत अर्थ मन्त्री जूबलय् दयेकूगु कर फस्र्यौट आयोगया कारणं कर मपूपिं यक्वस्यां उन्मूक्ति काःगु खँ वय्कलं धयादीगु दु ।

संसदया अर्थ समितिइ न्ववानादिसें अर्थमन्त्री खतिवडां थ्व खँ धयादीगु खः । आयकर ऐन व मूल्य अभिवृद्धि कर ऐन कार्यान्वयन लिपा स्वयं घोषणाय् आधारित प्रणाली कार्यान्वयनय् दुगु अवस्थाय् कर फस्र्यौट आयोगया आवश्यक्ता हे मदुगु खँ वय्कलं धयादीगु दु ।

अर्थ समितिइ न्ववायेगु झ्वलय् वय्कलं एनसेल थेंज्याःगु विदेशी कम्पनीतय् सम्पत्ति व दायित्वया मूल्यांकन (डिडिए) यानाः सरकारयात पुलेमाःगु कर बारे स्पष्ट जुइगु खँ धयादीगु दु ।

एनसेलया स्वामित्व विक्रीया इलय् लाभकर छले याःगु विषयय् संसदया अर्थसमितिइ न्ह्यसः दनेवं लिसः बिइगु झ्वलय् वय्कलं एनसेलं गुलि कर पुलेमाःगु खः धयागु यकिन यायेत डिडिए यायेगु व थ्व धुंकाः फुक्कं विवरण वइगु खँ धयादीगु दु । वय्कलं डिडिएपाखें गुलि कर निर्धारण याइ, उलि कर म्हयेगु प्रतिबद्धता नं प्वंकादीगु दु ।

सम्बन्धित बुखँ

LEAVE YOUR COMMENTS