हिदान ज्याझ्वलय् कर्माचार्ययात हन

येँ – नेपाल स्वयमसेवी रक्तदाता समाजया आह्वानय् धनुषाया महेन्द्रनगरस्थित दुधमती चोकय् स्थानीय मां दुधमती युवा क्लब व चिकित्सा प्रयोगशाला िवज्ञान संघ नेपालया मंकाः ग्वसालय् बृहत हिदान व सम्मान ज्याझ्वः जुल ।

क्षिनेश्वरनाथ नगरपालिकाया प्रमुख योगेन्द्र पजियारया प्रमुख आतिथ्यताय् जूगु ज्याझ्वलय् विशेष पाहांकथं संघया केन्द्रीय अध्यक्ष विनोदकुमार यादव, क्षिनेश्वरनाथ नगरपालिका वडा नं. ५या वडाअध्यक्ष जीवछ मण्डल, इलाक प्रहरी कार्यालय प्रमुख अरुण कुशवाह झायादीगु खः ।

निक्वःखुसी ग्वसाः ग्वःगु हिदान ज्याझ्वलय् मिसामिजं यानाः ७० म्हेसिनं हिदान यानादीगु खः । नेस्वरसया केन्द्रीय दुजः नापं धनुषा जिल्ला अध्यक्ष शिवकुमार मण्डलया सभापतित्वय् जूगु ज्याझ्वलय् केन्द्रीय अध्यक्ष प्रेमसागर कर्माचार्य विशेष सम्मान याःगु खः ।