‘टिभीइ समाचार ब्वनेमाःपिं मनूत ज्या त्वःताः थन गं थाः वयाच्वंगु दु’
येँ (नेपालभाषा टाइम्स)÷नेकपा एमालेया अध्यक्ष केपी शर्मा आलीं मेमेगु पार्टीतय्सं कार्यान्वयन यायेत मखुसें जनतायात झंगः लायेत जक चुनावी घोषणापत्र हःगु खँ धयादीगु दु ।
म्हिगः चितवनय् जूगु एमालेया चुनावी सभायात सम्बोधन यासें अध्यक्ष ओलीं गठब–न्धनय् दुगु पार्टीतय्सं बिस्कं बिस्कं घोषणापत्र हःगुलिं उमिसं वास्तवय् सुयागु घोषणा पत्र लागू याइगु खः थें धकाः न्ह्यसः तयादिल ।
उकथं हे वय्कलं स्वतन्त्र उम्मेदवार जुयाच्वंम्ह रवि लामिछानेया नं कडा आलोचना यानादिल । अध्यक्ष ओलीं धयादिल, ‘गुम्हं लँ ल्वःमंकाः समाचार ब्वनेमाःगु मनू उम्मेदवार जुइत वःगु दु, गुम्हं बिरामी जाँचे यायेमाःम्ह मनू विरामी जाँचे मयासे उम्मेदवार जू वयाच्वंगु दु । जिं न्यनागु दु, थ्व क्षेत्रय् थीथी कथंया मनूत चुनावय् दनाच्वंगु दु । सुं बिरामी जाँचे यायेमाःम्ह अस्पताल त्वःताः वयाच्वंगु दु, गुम्हं टिभीइ समाचार धायेमाःम्ह थःगु ज्या त्वःताः थुखे वयाच्वंगु दु । सुनां म्हसीके माःगु मदु, गं थाना जूगु दु ।’
रवि लामिछानेया स्वतन्त्र पार्टीं गं छक्वः न्यायेकूबलय् सत्ता गठबन्धन थारा न्हूगु धासें अय् जुयाः लामिछानेया पार्टीयात गं तक हे न्यायेके दइ मखु धकाः प्रतिबन्ध तया बिउगु खँ नं वय्कलं धयादिल ।
LEAVE YOUR COMMENTS