नेशनल लाइफया २२ गते बुक क्लोज

येँ – नेशनल लाइफ इन्स्योरेन्स कम्पनीं ६० प्रतिशत हकप्रद शेयर पितबीत्यंगु दु । हकप्रद बीगु निंतिं वइगु असार २२ गते निसें कम्पनीया बुक क्लोज जुइत्यंगु दु । असार २१ गते तक शेयर कायम जूपिं शेयरधनीतय्सं हकप्रद शेयर कायेखनीगु खँ नेपाल स्टक एक्सचेञ्जं धाःगु दु । नेशनल लाइफया हकप्रद पित बीगु निंतिं एनआइबीएल एस क्यापिटलयात विक्री प्रबन्धक नियुक्त यानातयेधुंकूगु दु ।

थ्व हकप्रद पिहां वयेधुंकाः नेशनल लाइफया चुक्ता पुँजी २ अर्ब ६४ करोड थ्यनीगु जूगु दु ।चालु आर्थिक दँया स्वंगूगु त्रैमासिक दुने नेशनल लाइफं २२ करोड २० लाख दां खूद लबः मुनेधुंकूगु खँ धाःगु दु । मंगलवाः नेशनलया शेयर ११७० तकां कारोवार जूगु खः ।