एसएमईया नायः सुरेश प्रधान

येँ – साउथ एसियन कन्ट्रिज एसएमई फोरमया नेतृत्व नेपाल घरेलु तथा साना उद्योग महासंघं याइगु जूगु दु । महासंघया पुलांम्ह नायः सुरेश प्रधानं उगु नेतृत्व कयादीगु खः । प्रधानं निदँया नितिं नेतृत्व यानादी । नेपाल घरेलु तथा साना उद्योग महासंघ –एफएनसिएसआई), भारतया फेडेरेशन अफ एसोसिएसन अफ कटेज एण्ड स्मल इन्डिष्ट्रिज –एफएसिएसआई), बंगलादेशया नेशनल एसोसिएसन अफ स्मल एण्ड कटेज इन्डष्ट्रिज –एनएएससीआइबी) व भुटानया चेम्बर अफ कमर्स एण्ड इन्डष्ट्रिज जानाः सन् २००५ सं भारतया कोलकताय् थापना जूगु साउथ एसियन कन्ट्रिज एसएमई फोरमया नेतृत्व नेपाल घरेलु तथा महासंघं काःगु खः ।

नकतिनि क्वचाःगु स्वक्वःगु सम्मेलनं फोरमया अध्यक्षय् महासंघया निवर्तमान अध्यक्ष प्रधानयात ल्यःगु खः । सम्मेलनय् भारत, बंगलादेश, श्रीलंकाया साना तथा मझौला व्यवसायीया मंकाः संस्थाया प्रतिनिधि व जःलाखःला देय् चीनया साना तथा मझौला व्यवसायी पर्यवेक्षक कथं ब्वति काःगु खः ।

थ्व स्वयां न्ह्यः फोरमया नेतृत्व कयाच्वंम्ह बंगलादेशया नेशनल एसोसिएसन अफ स्मल एण्ड कटेज इन्डष्ट्रिज अफ बंगलादेशया नुरुल घानी सोभोनं स्वक्वःगु सम्मेलनपाखें नकतिनि नियुक्त जुयादीम्ह प्रधानयात नेतृत्व हस्तान्तरण याःगु खः ।

फोरमया उपाध्यक्षद्वय शोभा गुरुङ व शिवप्रसाद कट्टेलयात ल्यःगु दु । अथेहे दुजलय् श्यामप्रसाद गिरी, मुकेश उपाध्याय, मोहन कटुवाल, डम्बरप्रसाद रेग्मी, महेन्द्रबहादुर चित्रकार, जानकी प्रधान, दुजः लिसें नेपाल च्याप्टरया प्रवक्ताय् गौतमप्रसाद भुसालयात ल्यःगु दु ।