‘सी’ व ‘डी’ ग्रेड वःपिं गनी वनी ?

येँ – १० तगिं पास जुइगु एसईई परीक्षाय् १.६ स्वयां कम जीपीए वःपिंसं ११ तगिं ब्वने मदइगु व्यवस्था दु । अथे खःसां १.६ स्वयां कम जीपीए वःपिंसं छु यायेगु ले ? उमिगु लागिं सरकारं प्राविधिक सीप सयेका कायेगु सीटीईभीटी कक्षाया व्यवस्था यानातःगु दु । तर दँय्दसं गुलि मात्राय्

१.५ जीपीए स्वयां कम ग्रेड वयाः विद्यार्थी पास जुइगु खः उलि फुकसित प्राविधिक सीप ब्वंकेगु क्षमता धाःसा नेपाः सरकारयाके मदु ।
उकिं हरेक दँय् एसईई पास जूसां नं ग्रेड मयानाः अलपत्रय् लाइपिं विद्यार्थीतय् ल्याः द्वलंद्वः थ्यनाच्वंगु दु । थुगुसी नं १.६ जीपीए स्वयां कम ग्रेड वयाः पास जूपिं विद्यार्थीतय् ल्याः करि ब ७५,००० दु । तर अज्याःपिं विद्यार्थीतय्त प्राविधिक सीप ब्वंकेगु क्षमता धाःसा ने पाःयाके २९,००० जक दु । थुकिं यानाः दँय् करिब ५०,००० म्ह विद्यार्थी एसईई लिपा अलपत्रय् हे लानाच्वंगु दु । परीक्षा नियन्त्रण कार्यालयं ग्रेडिङ प्रणाली कथं

एसईई परीक्षा सुरु याःगु वंगु निदँया दुने १.६ जीपीए स्वयां कम ग्रेड हयाः एसईई पास जूपिं करि ब २ लाख स्वयां अप्वः विद्यार्थीत थौं नं अपलत्र अवस्थाय् लानाच्वंगु दनि । उमिगु बार े छु याये गु धकाः छुं हे योजना सुनां नं बिचाः याये फयाच्वंगु मदुनि । एसईईया न्हूगु प्रणाली कथं १.५ जीपीए अर्थात ‘ सी’ व ‘ डी’ ग्रेड वयाः पास जूपिं विद्यार्थीतय्सं ११ तगिं ब्वनेदइ मखु । तर ११ तगिं ब्वने मदइगु खःसां उमित एसईई फेल जूपिं धकाः धाःसा धाइ मखु । थ्व प्रणालीइ सुं नं ‘फेल’ जुइ मखु धइगु अवधारणा दु ।

‘सी’ व ‘डी’ ग्रे ड हयाः फे ल जूपिं अत्यधिक ल्याःया विद्यार्थीतय्त सीप स्यने गु व्यवस्थाया लागिं आः सरकारं थप स्कूलत चायेकेगु योजना
दये काच्वनागु खँ धाःगु दु । तर थ्व योजना गबले पूरा जुइ धइगु खँ धाःसा निश्चित मदुनि । सरकारं थप स्कूल चायेकीगु इलय् तक ‘सी’ व ‘डी’ ग्रेड हयाः अलपत्रय् लाइपिं विद्यार्थीतय् संख्या लखौं थ्यने धुंकीगु अनुमान दु ।