वँचुगु स्टिकर दुगु ट्यांकरया लः त्वने योग्य

येँ – काठमाडौं उपत्यका खानेपानी बोर्डं वँचुगु स्टिकर तिकातःगु ट्यांकरया लः जक त्वनेगु निंतिं उपभोग यायेत सर्वसाधारणयात इनाप याःगु दु । बार्डया कार्यकारी निर्देशक संजीवविक्रम राणां स्वनिगलय् ट्यांकरपाखें लः वितरण याना वयाच्वंगु मध्ये वँचुगु ट्यांकरया लः जक त्वनेत योग्य जूगु धासें उकथं इनाप यानादीगु खः ।

बर्खाया इलय् त्वनेगु लःया स्रोतपाखें वइगु लः बुलुसे च्वनीगु कारणं आपालं उपभोक्तातय्सं त्वनेगु लःया अभाव पूर्ति यायेत ट्यांकरया लः कयाः प्रयोग याना वयाच्वंगु धासें न्ह्यःने लाःगुट्यांकरया लः उपभोग मयायेत नं बोर्डं सचेत याःगु दु ।

बोर्डया संयोजकत्वय्ट्यांकरया लःया गुणस्तरीयता जांच व मूल्य निर्धारण यायेगु निंतिं छगू समिति नं गठन याःगु दु । लिसें बोर्डं बिउगु जानकारीकथं स्वनिगलय् वँचुगु स्टिकर प्राप्त झिंप्यंगः जक ट्यांकर दुगु धासें उकिया लः जक उपभोग यायेत नं अपिल याःगु दु ।