ऐतिहासिक न्यातपौ देगःया जिर्णोद्वार शुरु

ख्वप- पर्यटकीय नगरी ख्वपया ऐतिहासिक न्यातपौ देगःया जिर्णोद्वार शुरु जूगु दु । विश्व सम्पदाया धलखय् दुथ्यानाच्वंगु ख्वप नगरपालिका वडा नं. ५ स्थित तःमधि त्वालय् च्वंगु न्यातपौ देगः भुखाय् ब्वःगु प्यदँ लिपा वयाः जिर्णोद्वार शुरु जूगु खः ।

ख्वप नगरपालिकां २०७२ सालया विनाशकारी भुखाचं क्षति याःगु न्यातपौ देगःया जिर्णोद्वार शुरु याःगु खः । उपभोक्ता समिति गठन यानाः देगःया जिर्णोद्वार शुरु याःगु खः । नगरपालिकां न्यातपौ देगः संरक्षण अन्तर्गत उपभोक्ता समिति गठन यानाः वंगु बुधवाः औपचारिक रुपय् देगः जिर्णोद्वारया ज्या न्ह्याकूगु खः ।

प्यदँ न्ह्यः भुखाचं देगःया दकलय् च्वय्या तँय् क्षति याःगु खः । वि.सं. १९९० सालया भुखाचय् नं देगःया च्वय्या तँय हे क्षति जूगु खः । ख्वप नगरपालिकाया प्रमुख सुनील प्रजापतिं भुखाचं क्षति जूगु देगः जिर्णोद्वारया निंतिं नगरपालिकाया न्याक्वःगु नगरसभां ६५ गू लाख १३,३५८ तका दांया इस्टिमेट तयार यानाः ज्या न्ह्याकूगु जानकारी बियादिल ।
१९९० सालय् क्षति जूगु देगः लिपा २०१९ सालय् तात्कालीन जुजु महेन्दं्र व दकलय् लिपा २०५६ सालय् नं जिर्णोद्वार यायेगु ज्या जूगु खः ।

सम्बन्धित बुखँ

LEAVE YOUR COMMENTS