ईलोहं सिरपाः लःल्हात

येँ – ईलोहं प्रकाशन १८ दँ क्यंगु लसताय् थीथी सिरपाः इनेगु ज्या जुल । प्रकाशनया नायः नरेशवीर शाक्यया सभापतित्वय् जूगु ज्याझ्वलय् पाहांकथं भाषासेवी लक्ष्मीदास मानन्धर, नांजाःम्ह आख्यानकार नापं भाषाथुवाः मथुरा साय्मि व नेवाः बस्ती नेवाः स्कुल अभियानया संयोजक दीपक तुलाधर झायादीगु खः ।

ईलोह मचा लय्पौया सम्पादक दशर्नवीर शाक्यं लसकुस यानादीगु ज्याझ्वलय् प्रकाशनपाखें लःल्हाना वयाच्वंगु थुगुसीया ईलोह ज्ञानज्योति सिरपाः च्वमि धिरजनाथ अमात्ययात लःल्हाःगु खः । अथे हे ईलोहं लय्पती पिदंगु च्वसुयात लःल्हाइगु ईलोह एल्भिस जोशी सिरपाः मचा साहित्यकार प्रेम के निडरयात लःल्हात ।