थँहितिइ न्हूदँ ब्वज्या

न्हूदँया लसताय् नेपाल संवत न्हूदँ राष्ट्रिय समारोह समिति ११३९ या ग्वसालय् थ्वहे वइगु कछलाथ्व पारु (मंसिर ८ गते ) शनिवाः थँहितिइ सफू, सिडीया लिसें थीथी हलंज्वलं ब्वज्या व मीगु ज्याया लिसें नेवाः नसात्वँसा प्रवद्र्धया नापं सांस्कृतिक ज्याझ्वः याइगु जूगु दु । उगु ज्याझ्वः तःजिक यायेत ग्वसाः खलकं येँ मनपा १७ वडाया अध्यक्ष नविन मानन्धरया संयोजकत्वय् थौं स्थानीय क्लब संघ, संस्थाया सहलह व तयारी मुँज्या सःतूगु दु ।

समारोह समितिं न्हूदँया लसताय् पिदंगु थीथी हलंज्वलं ब्वज्या व मीगु ज्या लिसें सांस्कृतिक ज्याझ्वः व नेवाः नसा त्वँसाया व्यवस्था यायेत्यंगु खः । ब्वज्याय् स्टल तयृत इच्छुक व्यक्ति वा संघसंस्थातय्सं समितिया दुजःपिंत स्वापू तयेत नं इनाप याःगु दु ।