नेवाः पासा पुचः स्पेनपाखे राजदूतलिसे सहलह

येँ- नेवाः पासा पुचः स्पेनपाखे नेपाली राजदूतावास मैड्रिडय् माहामहिम राजदूत श्री भरत बहादुर रायमाझीयात नापलायेगु ज्या जूगु दु । थ्व झ्वलय् नेवाः कला, संस्कृति, जात्रा, भाषा, संगीत, तजिलजियात म्वाका तयेत पासाः पुचःया भुमिका बारे राजदुतयात कनेगु ज्या जूगु खः ।

पासाः पुचः पाखें मैड्रिडय् नेवा: कला, संस्कृति, जात्रा, भाय, संगीत, तजिलजि व नसा त्वँसाया प्रचार अले संरक्षणया निति पासा पुचल याना वयाच्वंगु ज्या बारे जानकारी बिउगु खः । नेवाः समुदायय् जक मखसे फुक्व समुदाय व अन्तर्राष्ट्रियस्तरय् नेपाली समुदायलिसे जानाः पुचल यानाच्वगु ज्याया बारे खँ न्यने धुकाः वयकल लसता प्वकुसे थजाःगु बालाःगु ज्याया नितिं दूतावास सकारात्मक दु धयादीगु दु।

पासा पुचः पाखें स्पेनय् नेपाली राजदूतावास चायेकूगुलिं लसता प्वकुसे सुभाय् देछासे व लसकुस याःगु खः । खँल्हाबल्हाय् भविष्यय् नं पासा पुचः पाखे दूतावासय् स्वापु तयाः सहलह ब्याकावनेगु खँ नं जूगु खः ।