नेवाः समाजय् धर्म परिवर्तन बारे खड्गी सेवा समितिया चिउताः

येँ -थीथी त्वहः चिनाः नेवाः समाज दुने नं धर्म परिवर्तनया लहर न्ह्यानाच्वंगु खँय् नेपाल खड्गी सेवा समितिं चिउताः प्वंकूगु दु । थौंकन्हय् देय्न्यंकं थीथी जातिया मनूतय्सं थःगु धर्म त्याग यानाः इसाई धर्म नालेगु ज्या तीव्र रुपं न्ह्यानाच्वंगु दु । थज्याःगु ज्या नेवाः समाज दुने नं व्यापक रुपं जुयाच्वंगु व थुकिं यानाः समाजयात गज्याःगु लिच्वः लाइ धइगु बारे चिउताः प्वंकुसें खड्गी सेवा समितिं थीथी ज्याझ्वः समेत यानाच्वंगु दु ।

समितिया मूछ्यांज्ये राज शाहीं थन छगू प्रेस नोट जारी यासें धर्म परिवर्तन व्यक्तिया स्वइच्छा व अधिकारया खँ खःसां थीथी कथंया प्रलोभन बियाः धर्म परिवर्तन याकेगु धाःसा गलत जूगु कारणं उकियात थःपिंसं विरोध यानागु खँ धयातःगु दु ।

नेवाः समाजय् धर्म परिवर्तन व उकिं नेवाः समाजयात लाकीगु लिच्वःयात कयाः खड्गी सेवा समितिं थीथी इलय् अन्तक्र्रिया ज्याझ्वः यानाच्वंगु दुसा आः छुं ई अझ नं थीथी बुद्धिजीवीतलिसे अन्तक्र्रिया ज्याझ्वः यानाः राय मुनेगु व लिपा भौतिक रुपं हे मुनाः भेला समेत यायेगु ग्वसाः दुगु खँ नं धाःगु दु ।

सम्बन्धित बुखँ

LEAVE YOUR COMMENTS