
येँ – संघीय समाजवादी फोरम नेपालया सहअध्यक्ष नापं सांसद राजेन्द्र श्रेष्ठं ससफो नेपाल देया समाजवादी, लोकतान्त्रिक व प्रगतिशील शक्ति जूगु खँ संघीय समाजवादी फोरम नेपालया नागार्जुन नगरपालिकाया थीथी वडाया प्रतिनिधित्व दुगु भेलाय् मूपाहांया थासं न्ह्यथनादीगु दु ।
वय्कलं कांग्रेस व कम्युनिष्टं न्ह्याःवंगुु लँपुपाखें देशय् समृद्धि मवइगु खँ पटक पटक प्रमाणित जुइधुंकूगु खँ न्ह्यथँसें चीन व भारत दथुया व्यापारिक केन्द्र जुयाच्वंगु व बाह्य मुलुकया जनतायात ज्या बी फइगु हैसियत दुगु नेपाल आःया अवस्थाय् विदेशय् कामदार निर्यात यानाः गर्व यायेमाःगु अवस्थाय् थ्यंका बिउगु खँ न्ह्थनादिल ।
वय्कलं देशय् समृद्धि, सुशासन व सामाजिक न्यायया निंतिं संघीय समाजवादी सिद्धान्त कःघाना वनेमाःगु खँय् बः बियादिल । ज्याझ्वलय् वय्कलं थःपिनिगु पार्टी कांग्रेस कम्युनिष्ट थें एकल जातीय मजुसे हिमाल, पहाड व तराइ मधेसयात कःघाना वनेगु समानुपातिक समावेशी प्रतिनिधित्व दुगु छगू जक राष्ट्रिय चरित्रया पार्टी जूगु खँ नं न्ह्यथनादीगु खः ।
उगु वडा प्रतिनिधि भेलाय् विशिष्ट पाहां पुलांम्ह मन्त्री हरिनारायण यादव, स्वास्थ्य तथा जनसंख्या राज्यमन्त्री डा. सुरेन्द्रकुमार यादव, श्रम समितिया सभापति विमल श्रविास्तव, राजनीति समितिया दुजःपिं राजन केसी व प्रेम थापा, केन्द्रीय दुजः नापं ३ नं. प्रदेशया उपाध्यक्ष मञ्जु अन्सारी, नागार्जुन नगरपालिकाया नेता तथा पुलांम्ह गाविस अध्यक्ष विनोद श्रेष्ठ, व्यवसायी शितल यादव, युवा फोरमया नेता दुर्गा सुवेदीपिंसं थःथःगु नुगः खँ प्वंकादीगु खः ।
LEAVE YOUR COMMENTS