टीकापुर फैसला पुनरावलोकनय् वनीगु

येँ – टीकापुर घटनाय् संलग्न धकाः कैलाली जिल्ला अदालतं जन्मकैद सजायँ न्यंकुम्ह रेशमलाल चौधरी लगयात झिंछम्हेसित त्वःतेगु निंतिं पुनरावेदन याइगु जूगु दु । टीकापुर घटनायात कयाः स्वदँ तक जेल जीवन भुक्तान यायेधुंकूम्ह लक्ष्मण थारुं म्हिगः धनगढीइ ग्वसाः ग्वःगु पत्रकार सम्मेलनय् उगु खँ धयादीगु खः ।

वय्कलं जिल्ला अदालतया फैसलां थःपिं स्तब्ध जूगु धासें धयादी, ‘उच्च न्यायालयं जिमिगु राजनीतिक भविष्य अनिश्चित याये फइ मखु धइगु विश्वास दु । न्यायमूर्तिपिंसं जिमि ल्यं दनिपिं पासापिंत न्याय याइ ।’राजनीतिक नेतृत्वं याये मफुगु साहस न्यायाधीश परशुराम भट्टराईनं याःगु टिप्पणी यासे वय्कलं धयादी, ‘राजनीतिक नेतृत्वं टीकापुर घटना छु खः व थारु समुदायया मुद्दा छु खः धइगु थुइकेत कुतः मयाः ।’

वय्कलं थारु समुदायया मुद्दायात काल्पनिक वा ख्याः खँ मतायेकेत नं प्रधानमन्त्री केपी शर्मा ओलीयात इनाप यानादीगु दु । वय्कलं वंगु इलय् जूगु सम्झौता प्रति गम्भीर जुइत इनाप यासें यदि सरकार गम्भी मजुल धाःसा सिंहदरवारयात हांनिसें लिनाः वांछ्वयेगु शक्ति थारुतय्के दु धकाः सरकारयात ख्याच्वः नं बियादीगु दु । वय्कलं थःपिनि विरुद्ध जूगु सजायँयात कयाः याकनं हे शान्तिपूर्ण आन्दोलन न्ह्याकेगु खँ नं पत्रकार सम्मेलनय् कनादिल ।

सम्बन्धित बुखँ

LEAVE YOUR COMMENTS