येँ १७ वडां नयेमखंपिं ज्यामितय्त राहत बीगु तयारी

येँ – येँ महानगरपालिका १७ वडापाखें १७ वडाय् च्वंपिं न्हियान्हिथं ज्या यानाः ज्याला कयाः नयेमाःपिं मजदूरतय्त राहत बीगु जूगु दु । न्हियान्हिथं कमे यानाः नयेमाःपिं थज्याःगु मजदूरत लकडाउनया इलय् नयेमखंका च्वनेम्वालेमा धकाः राहत बीत्यंगु खः । १७वडाया अध्यक्ष नवीन मानन्धरया नेतृत्व आइतवाः निसें हे थज्याःपिं ज्यामितय् नांधलः दयेकेगु सुरु याःगु दु ।

अध्यक्ष मानन्धरं थज्याःगु लकडाउनया इलय् मजदूरत म्होतिं नं नये मखंका च्वनेम्वालेमा धकाः राहत बीत्यनागु खँ कनादिल । आइतवाः वडाय् हे नां च्वकेगु ज्या जुयाच्वंगु दुसा सोमवाः निसें वडाया थीथी थासय् वनाः नांधलः तयार यायेगु खँ धयादीगु दु । थज्याःपिं मजदूरतय्त म्होतिं नं निछाः नकेगु ज्या जुइगु खँ धाःगु दु ।