लुम्बिनीइ कांग्रेस मन्त्रीतय् राजीनामा होल्ड

येँ (नेपालभाषा टाइम्स) – लुम्बिनी प्रदेशय् नं एमाले व नेकपाया सहमति अःपुक कार्यान्वयन जुइगु खनेमदुगुलिं नेपाली कांग्रेसया मन्त्रीतय्सं बीत्यंगु राजीनामा नं होल्डय् तयातःगु दु । कांग्रेसया मन्त्रीतय्सं थःपिनि राजीनामा संसदीय दलया ज्याकुथिइ बुझे यायेधुंकूसां संसदीय दलपाखें मुख्यमन्त्रीयाथाय् मयंकुसे तयातःगु दु । कांग्रेसं लुम्बिनीइ सरकार नीस्वनेत प्रदेशया आवश्यकताकथं ज्या यायेत सांसदतय्त निर्देशन बिउगुलिं नं राजीनामा होल्ड यानाः आन्तरिक व मेगु दललिसे सहलह न्ह्याकूगु खँ धाःगु दु ।