बागमति प्रदेश एमालेया खुम्ह मन्त्रीतय्पाखें राजीनामा
येँ (नेपालभाषा टाइम्स) – बागमति प्रदेश सरकारय् दुथ्याःपिं नेकपा एमालेया खुम्ह मन्त्रीं म्हिगः मंकाः राजीनामा बिउगु दु । मन्त्रीतय्सं मुख्यमन्त्री इन्द्रबहादुर बानियाँयात नापलानाः राजीनामा बीगु कुतः याःगु खःसां नं मुख्यमन्त्री नापलाये चाहे मजुइवं ज्याकुथिइ राजीनामा बुझे यानाथकूगु खः । मुख्यमन्त्री बानियाँ धाःसा चितवनया छगू ज्याझ्वलय् वंगु खँ धाःगु दु ।
एमालेपाखें सरकार दुथ्याःपिं कृषि तथा पशुपन्छी विकास मन्त्री मधुसुदन पौडेल, भौतिक पूर्वाधार विकास मन्त्री डा. दिनेशचन्द्र देवकोटा, उद्योग, वाणिज्य, भूमि तथा प्रशासन मन्त्री बिन्दु श्रेष्ठ, बिना विभागीय मन्त्रीपिं किरण थापामगर, भरतबहादुर केसी व जयराम थापां राजीनामा बिउगु खः । बागमति प्रदेशय् आः नेपाली कम्युनिष्ट पार्टी व एमाले जानाः सरकार दयेकेगु तयारी जुयाच्वंगु दु ।
LEAVE YOUR COMMENTS