ने. सं. ११४६ अनलाथ्व चौथी -

कान्सया मेयरपाखें कार्यवाहक प्रमखु डंगोलयात लसकुस

कान्स फिल्म फेस्टिभलय् ब्वति कायेत फ्रान्सया कान्स शहरय् झायादीम्ह येँ महानगरपालिकाया कार्यवाहक प्रमुख सुनिता डंगोलयात अनया मेयर डेभिड लिसनार्डं लसकुस याःगु दु । ७९ क्वःगु कान्स महोत्सवया ‘रेड कार्पेट’ समारोह न्ह्यः मंगलवाः वय्कःयात लसकुस याःगु खः ।

येँ महानगरपालिकापाखें प्रमखु डंगोलं कान्सय् तःजिक लसकुस याःगुलिं कान्स शहरप्रति आभार प्वंकूसें थन न्ह्याःगु खँल्हाबंलायात निरन्तरता बिइत तयार दुगु खँ धयादीगु दु । कान्स व येँ निगूलिं युनेस्कोया ‘क्रिएटिभ सिटी’या संकिपा विधाया दुजः नगरत खः ।

मंगलवाः हे होटेल डे भिलेय् निगू पक्षीय लसकुस ज्याझ्वः नं जुल । उगु इलय हलिंन्यकं च्वंपिं आपालं संकिपा ख्यःया प्रबुद्ध व्यक्तितय् ब्वति दुगु खः । ज्याझ्वःलय् येँया नं प्रतिनिधित्व दुगुलिं थनया संकिपायत हलिंन्यंक प्रवद्र्धन यायेगु निंतिं उपलब्धीपूर्ण रुपं काःगु दु ।

प्रमखु डंगोल कान्स फेस्टिभलय् जुइगु थीथी ज्याझ्वलय् ब्वति कयादी । थुगु दँय् फेस्टिभलया निंतिं नेपाःयापाखें अविनाश विक्रम शाहया ‘इलिफेन्ट इन द फग’ संकिपा क्यनेगु ज्याझ्वः दु ।