ने. सं. ११४६ अनलाथ्व पुन्हि -

अनलाइन कक्षा न्ह्यात

येँ (नेपालभाषा टाइम्स) – आर्थिक समस्याया कारणं अनलाइन कक्षा संचालन यायेफइमखु धासें वंगु साउन १ गते निसें अनलाइन कक्षा दिकूपिं निजी स्कूलतय्सं म्हिगः निसें हाकनं अनलाइन कक्षा न्ह्याकूगु दु । बुधवाः सरकारलिसे जूगु वार्ता सकारात्मक जुइवं निजी स्कूलतय्सं बिहिवाः निसें हाकनं अनलाइन कक्षा न्ह्याकूगु खः । शिक्षा, विज्ञान तथा प्रविधि मन्त्रालयं विद्यालय पुनःसंचालन कार्यविधि तयार यानाः बुधवाः निजी तथा आवासीय विद्यालय अर्गनाइजेशन नेपाल – प्याब्सन), राष्ट्रिय निजी तथा आवासीय विद्यालय एशोसियसन (एनप्याब्सन), नेपाल शिक्षक महासंघ, संस्थागत विद्यालय शिक्षक युनियन व अभिभावक महासंघ लिसे सहलह याःगु खः । निजी स्कूलतय्सं बैंकया ब्याज म्हो यायेमाःगु, शिक्षकतय् तलबया निंतिं सरकारं अनुदान बीमाःगु माग याना वयाच्वंगु खः ।