निजी स्कूल राष्ट्रियकरण यायेमाः : भट्टराई

येँ (नेपालभाषा टाइम्स) – पुलांम्ह प्रधानमन्त्री लिसे जनता समाजवादी पार्टीया नेता डा.बाबुराम भट्टराई नं निजी विद्यालय व स्वास्थ्य संस्थायात राष्ट्रियकरण यायेमाः प्रस्ताव यानादीगु दु। निजी विद्यालयं थः कर्मचारीपिंत तलब नके मफुत धकाः अभिभावकयात ‘लकडाउन’ ईया नं फि पुलेत इनाप यायेवं वय् कलं उगु खँ धयादीगु खः । वय्कलं म्हिगः छगू ट्विट यानादिसें शिक्षा व स्वास्थ्य क्षेत्रयात राष्ट्रियकरण यायेमाःगु प्रस्ताव तयादीगु खः ।

वय्कलं ट्विटय् च्वयातःगु, ‘निजी शिक्षण संस्थाया अस्तित्वय् न्ह्यसः चिं ब्वलंगु दु, ब्वहे मब्वंकूगु ईया शुल्क माः धइगु हास्यास्पद खः ।’