कोतः धुकू सिज याना बिल
येँ (नेपालभाषा टाइम्स)- थनया बालाजुइ च्वंगु नांजाःगु कोतः धुकू पेट्रोल पम्प येँ महानगरपालिकां बन्द याना बिउगु दु । छेँय् च्वंगु शटरय् पेट्रोल पम्प तयातल धासें येँ मनपां उगु पेट्रोल पम्प सिल याना बिउगु खः । पेट्रोल पम्प सिल यायेगु लागिं नगर प्रहरीया प्रमुख राज पाण्डे थः हे वःगु खः ।
थ्व पेट्रोल पम्प न्हापा थःगु हे कम्पाउण्ड दुने तयातःगु खः । बालाजुइ सडक विस्तार जूबलय् कोतः धुकूया कम्पाउण्ड समेत राज्यं कब्जा याना काल । कम्पाउण्ड सरकारं अतिक्रमण यायेवं पेट्रोल पम्प हे सतकय् लानाच्वंगु खः । आः येँ महानगरपालिकां उगु पेट्रोल पम्प सतकय् लात धासें बन्द याना बिउगु खः । राज्यं याःगु सतक विस्तारं यानाः स्थानीय इन्धन व्यवसायी पुरुषोत्तम मानन्धरया व्यवसाय हे ध्वस्त जूगु दु ।
LEAVE YOUR COMMENTS