मल्ल के. सुन्दरया नेपाल संवत् भिंतुना आन्दोलन खस भासं पिदनीगु
येँ(नेपालभाषा टाइम्स)÷नेवाः न्ह्यलुवा लिसें नेपाल संवत् सांस्कृतिक आन्दोलनया छम्ह न्ह्यलुवा मल्ल के. सुन्दरं च्वयादीगु ‘नेपाल संवत् भिंतुना आन्दोलन’ (म्हिगः थौं व कन्हय्) खस भासं अनुवाद यानाः पिथनीगु जूगु दु । नेपाल संवत्या महत्व, थुकिया इतिहास, नेपाल संवत्या भिंतुना सांस्कृतिक आन्दोलन लगायत थीथी पक्षयात कयाः च्वयातःग सफू अनुवाद यानाः खस् भासं पिथनेत्यंगु खः ।
बछलागा तृतियाकुन्हु नेपाल संवत्या विषययात कयाः जूगु राष्ट्रिय कार्यशाला गोष्ठिइ पिथंगु खः । नेवाः भासं च्वयातःगु थुगु सफूयात नेपाल संवत् न्हूदँ ११४५ राष्ट्रिय समारोह समितिं नेपाल संवत्या बारे मेमेगु समुदायं नं जानकारी काये फयेमा धइगु ल्याखं खस भासं पिथनेत्यंगु खः ।
नेपाल संवत्या आन्दोलनयात कयाः जूगु आपालं विषयत अभिलेखीकरण यानातःगु सफू न्हूदँ स्वयां न्ह्यः हे पिथनेगु तयारी जुयाच्वंगु समितिं जानकारी बिउगु दु ।
सफुतिइ नेपाल संवत् आन्दोलनया इलय् जूगु थीथी घटनाक्रम नेपाल संवत्या छ्यलाबुला, भिंतुना ¥यालीइ राज्यं याःगु दमन, बहिष्करण, प्रतिरोधलिसें लिपांगु इलय् प्राप्त उपलब्धि व वइगु दिनय् न्ह्याकेमाःगु लँपुया विषय कःघानातःगु दु ।
LEAVE YOUR COMMENTS