खुसि मापदण्डविरुद्ध थौं वृहत् र्याली
यल (नेपालभाषा टाइम्स)÷ सतक विस्तार पीडित संघर्ष समिति व खुसि मापदण्ड पीडित संघर्ष समितिं थौं यलया कोपुन्डोलय् मुनाः बृहत ¥याली पिकाइगु जूगु दु । थौं न्हिनय् ४ बजे कोपुन्डोल तां क्वय् मुनाः प्लेकार्ड सहित पिदनीगु ¥याली हनुमान देगः जुयाः बागमती करिडोरपाखें संकटा तां जुयाः त्रिपुरेश्वरय् वयाः सभाय् हिलीगु खँ समितिया संयोजक सुमन साय्मिं कनादीगु दु । उकथं हे वइगु असोज ३ गते फिब्वख्यलय् नं वृहत प्रदर्शन यायेगु तयारी जुयाच्वंगु जानकारी वय्कलं बियादीगु दु ।
सर्वोच्च अदालतं वंगु साउन महिनाय् स्वनिगलय् बाः वनीगु फुक्कं खुसि सिथय् न्हापा क्वःछिनातःगु मापदण्ड स्वयां थप २० मिटर क्षेत्रय् गुगुं नं कथंया संरचना दयेके मदइगु आदेश बीवं स्थानीय वासिन्दात आन्दोलनय् कुहां वःगु खः । थ्व आदेशं लखौं स्थानीयत विस्थापित जुइगु जूगुलिं स्थानीयत आन्दोलनय् कुहां वःगु खः । थ्व आदेश लागु जुल धाःसा प्यंगू खर्बं मल्याक मुआब्जा बीमालीगु जूगुलिं सरकारं नं यायेमफइगु खँ धायेधुंकूगु दु ।
LEAVE YOUR COMMENTS