घृणा न्यंकीगु फिल्म सेन्सर मजुइगु

येँ (नेपालभाषा टाइम्स) – सरकारं मित्रराष्ट्रतय्त ब्वःबियाः दयेकातःगु फिल्मयात नेपालय् प्रदर्शन याके मबीगु तयारी याःगु दु । सूचना तथा संचार मन्त्रालय अन्तर्गतया श्रव्यदृश्य तथा प्रसारण शाखां चलचित्र विकास बोर्डयात मित्रराष्ट्रतलिसेया स्वापू, राष्ट्रिय सुिरक्षा, शान्ति व सार्वजनिक व्यवस्थाय् बांमलाःगु लिच्वः लाकीगु विषयवस्तु दुगु फिल्म सेन्सर पास मयायेत निर्देशन सहित पौ च्वयेवं थज्याःगु फिल्म नेपालय् क्यने मफइगु जूगु खः ।

सरकारया थ्व निर्देशन लिपा विशेषतः भारतीय फिल्म नेपालय् प्रदर्शन यायेत थाकुइगु जूगु दु । भारत अप्वः थें पाकिस्तानयात गलत धकाः क्यनाः फिल्म दयेकेगु याइ ।

धुरन्धर, अल्फा थेंज्याःगु फिल्म भारत पाकिस्तान दथुया स्वापू, सीमा सुरक्षा व आतंकवादया बाखं दुगु फिल्म खः, अले थुपिं फिल्मय् पाकिस्तानयात गलत, दुश्मन देय् कथं क्यनेगु याना वयाच्वंगु दु । सरकारया निर्देशन लिपा आः थज्याःगु फिल्म नेपालय् क्यने मफइगु जूगु खः ।