प्यसः पत्रकार कोरोना संक्रमित

येँ (नेपालभाषा टाइम्स) – विश्वन्यंकं कोरोना भाइरसया महामारी न्यना वनाच्वंगु इलय् नेपालय् नं थुकिया संक्रमण न्हियान्हिथं अप्वया वनाच्वंगु दु । संक्रमितया ल्याः अप्वया वनाच्वंगुलिसें थुगु महामारीं नेपाःया संचार ख्यः नं बांमलाक प्रभावित जुयाच्वंगु दु ।  नेपाःया पत्रकारतय् राष्ट्रिय संगठन नेपाल पत्रकार महासंघं बिउगु जानकारीकथं आतक नेपालय् प्यसः स्वयां अप्वः पत्रकार कोरोना संक्रमित जुइधुंकूगु दु । अथे हे कोरोना संक्रमणया कारणं प्यम्ह पत्रकार सीगु महासंघं जारी याःगु विज्ञप्तीइ धयातःगु दु ।

कोरोना भाइरस संक्रमणया उच्च जोखिमया दथुइ नं कोरोना संक्रमणया विषयय् आम नागरिकयात सुसूचित यायेगु नापं सचेत व जागरुक यायेगु ज्याय् सक्रिय पत्रकारत नं जोखिमया दथुइ अग्रभागय् च्वनाः ज्या यानाच्वंगुलिं हे पत्रकारतय्त संक्रमण जूगु महासंघं न्ह्यथंगु दु । संक्रमणया जोखिम परिस्थितिइ मन्त्री, सांसद, उच्च पदस्थ कर्मचारीयात राज्यया कोषपाखें निःशुल्क पीसीआर परीक्षण व वासःतकं यायेगु ज्या जुयाच्वंगु सन्दर्भय् संक्रमणया उच्च जोखिमया दथुइ नं थःगु कार्यक्षेत्रय् खटे जुयाच्वंपिं संचारकर्मि व आम नागरिकया निःशुल्क पीसीआर परीक्षणया व्यवस्था नापं वासः याकाच्वंपिं सकलें संक्रमित पत्रकार व आम नागरिकया नं उचित उपचारया व्यवस्था यायेत महासंघं माग याःगु दु ।

सम्बन्धित बुखँ

LEAVE YOUR COMMENTS