किलाघःत्वाः खलःपाखें हनेज्या
येँ (नेपालभाषा टाइम्स)÷ ज्यापु संस्कृति व सम्पदा संरक्षक किलाघः त्वाः खलःया ग्वसालय् वंगु शनिवाः हना ज्याझ्वः जुल । त्वाः नायः वंशिकृष्ण डंगोलया सभापतित्वय् जूगु ज्याझ्वलय् येँ महानगरपालिकाया उपप्रमुख सुनिता डंगोल मूपाहां कथं झायादीगु खःसा विशेष पाहांकथं त्रिभुवन विश्वविद्यालयया उपकुलपति हेराबहादुर महर्जन, येँ महानगरपालिकाया निवर्तमान प्रमुख विद्यासुन्दर शाक्य व पाहांकथं येँमनपा १८ वडाया अध्यक्ष न्हुछेकाजी महर्जन, येँमपा २४ वडाया अध्यक्ष विनोद राजभण्डारी, ज्यापु महागुथि नेपाःया वरिष्ठ उपाध्यक्ष झायादीगु खः ।
त्वाःया कजि नरेन्द्र महर्जनं लसकुस यानाः न्ह्याःगु ज्याझ्वलय् मूपाहां सुनिता डंगोलं किलाघः त्वाःया पुलांपिं न्हय्म्ह कुमारी माजुपिं व त्वाःया धुन्यागुरु ई. मचाराजा महर्जन नेपाल सरकार सहरी विकास मन्त्रालय अन्तर्गत भवन विभागया महानिर्देशक पदय् बढुवा जुयादीगुलिं विशेष हनेज्या यानादीगु खः ।
ज्याझ्वलय् मूपाहां सुनिता डंगोल, विशेष पाहां विद्यासुन्दर शाक्य, ल्याय्म्ह कवःया दुजः विजय डंगोल, सम्मानित जुयादीम्ह धुन्यागुरु ई. मचाराजा महर्जन, ज्यापु महागुथि नेपाःया वरिष्ठ उपाध्यक्षलगातपिंसं थःपिनि नुगःखँ तयादीगु खः । ज्याझ्वलय् स्नातक निसें पीएडी तक पास जूपिं किलाघः त्वाःया दुजःपिंत किलाघः मिसा पुचःपाखें परम्परागतरुपं ख्येँसगं बियाः विशेष हनापौ लःल्हासें हनेज्या
याःगु खः । ज्याझ्वः किलाघः त्वाः ल्याय्म्ह कवःया संयोजनय् जूगु खः ।
LEAVE YOUR COMMENTS