नेपाल संवत्या राष्ट्रिय गोष्ठी

येँ (नेपालभाषा टाइम्स)÷नेपाल संवत् आन्दोलनया आरम्भ व थुकिं बिउगु उपलब्धी लगायत नेपाल संवतया सकतां विषयवस्तुयात कयाः राष्ट्रिय कार्यशाला गोष्ठी याइगु जूगु दु ।

गोष्ठीया लागिं नेवाः देय् दबूया संयोजनय् छगू ग्वसाः खलः नं नीस्वंगु दु । थुकी नेपाल संवत न्हूदँ राष्ट्रिय समारोह समिति, नेपालभाषा मंकाः खलः, राष्ट्रिय विभूति शंखधर साख्वाः प्रतिष्ठान व नेपालभाषा मंकाः खलः यल दुथ्याः ।

म्हिगः नेवाः देय् दबूया संयोजनय् च्वंगु मंकाः मुँज्यां थ्वहे वइगु ने.सं. ११४४ बछलागा तृतीया (जेष्ठ १३ गते) थुगु राष्ट्रिय कार्यशाला गोष्ठी यायेगु धकाः क्वःछिउगु खः । येँय् जुइगु थुगु गोष्ठीइ देय्न्यंकं नेपाल संवतया न्हूदँ न्यायेका वयाच्वंगु खलः पुचः नापं नेपाल संवत् आन्दोलनय् आबद्ध व्यक्तिपिन्त ब्वनीगु ग्वसाः दु ।

थुगु राष्ट्रिय कार्यशाला गोष्ठीइ नेवाः न्ह्यलुवा लिसें नेपाल संवत् आन्दोलनय् शुरुंनिसें नेतृत्वकारी तहलय् च्वनादीम्ह मल्ल के. सुन्दरं ज्यापौ न्ह्यब्वयादी । ग्वसाः खलकं थुगु गोष्ठी यायेगु निंतिं आन्तरिक तयारी न्ह्याकेधुंकूगु दुसा देय्न्यंक न्हूदँ न्यायेका वयाच्वंगु खलः पुचःयात ने.सं. ११४४ बछलागा दुतिया (जेष्ठ १२ गते ) दुने येँय् थ्यंकेगु नितिं इनाप याःगु दु ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल