येँ मनपा २३ वडाय् स्वास्थ्य प्रवद्र्धन केन्द्र संचालनय्

येँ (नेपालभाषा टाइम्स)- येँ महानगरपालिका २३ वडाया स्वास्थ्य प्रवद्र्धन केन्द्र संचालनय् वःगु दु । येँ मनपा २३ वडा पाखें येँया झ्वःछेँय् चायेकूगु थ्व प्रवद्र्धन केन्द्र चैत १ गते बिहिवाः निसें संचालनय् वःगु खः ।

थुगु स्वास्थ्य केन्द्रय् न्हियान्हिथं ओपीडी सेवा, निःशुल्क वासः बीगु ज्या न्ह्याःगु दु । थन सुथय् ८ बजे निसें न्हिनय् २ बजे तक जनरल फिजिसियन पाखें विरामीया परीक्षण यायेगु ज्या जुइगु खँ वडाया अध्यक्ष मचाराजा महर्जनं कनादीगु दु । वय्कःयाकथं नेपाल सरकारपाखें बिया वयाच्वंगु निःशुल्क वासः थुगु केन्द्रपाखें कायेफइ । अथेहे थन याकनं हे फिजियोथेरापी, प्याथलोजी, एक्सरे, अल्ट्रासाउन्ड सेवा नं सुरु यायेत्यनागु खँ वय्कलं धयादीगु दु ।