ने. सं. ११४६ अनलाथ्व पुन्हि -

थौं ४४ लाख खोप वइगु

यँे – सरकारं चीनयाके न्यानाकाःगु ४४ लाख डोज भेरोसेल खोप थौं नेपाः थ्यंकः वइगु जूगु दु । खोप कायेगु निंतिं नेपाल वायुसेवा निगमया विमान म्हिगः चीनपाखे वंगु खः । निगमया वाइडबडी विमान म्हिगः बहनी ११ बजे चीनपाखे ब्वःगु खः ।

स्वास्थ्य तथा जनसंख्या मन्त्रालयया कथं सरकारं चीनयाके ६० लाख डोज भेरोसेल खोप न्याःगु खःसा थ्व मध्ये १६ लाख डोज खोप वयेधुंकूगु दु ।

आः ल्यं दनिगु ४४ लाख खोप थौं न्हिनय् २ बजेपाखे नेपाः थ्यंकः वइगु खँ धाःगु दु । नेपालय् आःतक १ करोड ३३ लाख डोज खोप वयेधुंकूगु दुसा थ्वहे असोज मसान्त तक थप छगू करोड खोप हयेगु तयारी यानाच्वंगु खँ धाःगु दु ।

थ्वहे झ्वलय् नेपालय् कोरोना ल्वचं कयाः सीपिं विरामीया ल्याः ११ द्वः थ्यंगु दु ।