नेपाःया निंतिं खुम्ह मिसापिं अमेरिकी राजदूतपिंत लुमंकीगु

येँ (नेपालभाषा टाइम्स)- नेपाःस्थित अमेरिकी दूतावासं थुगुसी मार्च ८ तारिख कुन्हु न्यायेकीगु अन्तर्राष्ट्रिय मिसा दिवसया लसताय् नेपालय् राजदूत जुया वनेधुंकूपिं अमेरिकाया मिसापिं पूर्व राजदूतपिंत लुमंकीगु जूगु दु । नेपाःस्थित अमेरिकी दूतावासं ‘इतिहासय् मिसा’ शीर्षकय् लछियंकं थीथी ज्याझ्वः यायेगु ग्वसाः याःगु दु ।

नेपाःया लागिं अमेरिकी राजदूत जुयाः आः तक २७ म्ह राजदूत वयेधुंकूगु दु । उकी मध्ये खुम्ह राजदूत मिसापिं खः । नेपालय् राजदूत जुयाः वःम्ह अमेरिकाया न्हापांम्ह कुटनीतिज्ञ भाजु हेनरी ग्रेडी खः । वय्कः सन् १९४८ मई ३ निसें जुन २२ तक तसकं म्हो ईया लागिं नेपाःया राजदूत जुयादीगु खः ।

थ्वया दथुइ नेपाःया लागिं न्हापांम्ह मिसाम्ह राजदूत जुयाः मय्जु क्यारोल क्लिन्डेनिङ लेइज वःगु खः । वय्कः सन् १९६६ डिसेम्बर ५ निसें १९७३ जुन ५ तक नेपाःया राजदूत जुयादीगु खः । वय्कः नेपाःया लागिं च्याम्हम्ह अमेरिकी राजदूत खः ।

थ्वयां लिपा नेपाःया लागिं अमेरिकी राजदूत जुयाः मय्जुपिं माक्र्विटा मेयटाङ, जुलिया चाङ ब्लख, सान्ड्रा भेगेलगेसाङ, नान्सी जो पावल व अलाइना बी. टेप्बिलीज वयेधुंकूगु दु । वर्तमान अमेरिकी राजदूत चाहिँ डिन आर. थम्पसन खः ।