बालकुमारी घटनायात कयाः निर्णय मयाइगु

येँ (नेपालभाषा टाइम्स)- नेकपा एकीकृत समाजवादीं बालकुमारी घटना जाँचबुझ आयोगया प्रतिवेदन मस्वसें भौतिक पूर्वाधार मन्त्री बारे निर्णय याये मफइगु खँ धाःगु दु । म्हिगः च्वंगु पार्टीया सचिवालय बैठकय् मन्त्री प्रकाश ज्वाला बारे खल्हाबल्हा जूगु खः ।

तर सुयात छु कारणं दोषी क्यंगु खः धइगु जानकारी मदुगु व प्रधानमन्त्रीं पुष्पकमल दाहालं जाँचबुझ आयोगया प्रतिवेदन अध्ययन यानाच्वंगुलिं गुगुं निर्णय मजूगु खँ प्रचार विभागया प्रचार विभाग प्रमुख जगन्नाथ खतिवडां जानकारी बियादीगु दु ।

वंगु पुस १३ गते निम्ह ल्याय्म्ह सीगु कथं यलया बालकुमारीइ जूगु घटना बारे जाँचबुझ यायेत नीस्वंगु आयोगं वंगु शुक्रवाः उपप्रधानमन्त्री लिसे गृहमन्त्री नारायणकाजी श्रेष्ठयात प्रतिवेदन लःल्हाःगु खः ।