भिंतुना गुथिया नीन्याक्वःगु दँमुँज्या

येँ(नेपालभाषा टाइम्स)- भिंतुना गुथिया नीन्याक्वःगु दँमुँज्या वंगु पुस २१ गते शनिवाःकुन्हु जुल । असनय् च्वंगु भिंतुना गुथिया दँमुँज्यां न्हूगु ज्यासना पुचः नं ल्यःगु खः ।
थनया हात्तिसारय् च्वंगु नेपाल हाउस रेष्टुरेण्टय् जूगु दँमुँज्या गुथिया नायः कृष्णमान तुलाधरया सभापतित्वय् जूगु खः । गुथिया छ्याञ्जे अमूलकाजी तुलाधरं वार्षिक प्रगति विवरण न्ह्यब्वयादीगु दँमुँज्याय् दांभरिं रविनलाल श्रेष्ठं आय व्यय विवरण न्ह्यब्वयादीगु खः ।

दँमुँज्यां गुथिया न्हूगु ज्यासना पुचःया नं ल्यज्या याःगु खः । न्हूगु ज्यासना पुचलय् अमूलकाजी तुलाधर नायः, कृष्णमान तुलाधर निवर्तमान नायः, सुशीलकाजी तुलाधर छ्याञ्जे, रविनलाल श्रेष्ठ दांभरिं, सचिनकाजी तुलाधर लिउछ्याञ्जे व उपेन्द्रकाजी शाक्ययात लिउदांभरिं ल्यःगु दु ।

भिंतुना गुथि नीस्वंगु २५ दँ क्यंगु लसताय् वइगु दँय् अझ बांलाक थीथी ज्याझ्वः याना वनेगु नापं समाज उत्थानय् तिबः जुइकथंया ज्याझ्वः याना वनेगु प्रतिवद्धता न्हूगु ज्यासना पुचलं प्वंकूगु दु ।

लुमंकेबहजू भिंतुना गुथिं स्थापना कालनिसें नेपालभाषा कला, संस्कृति, साहित्य ख्यलय् ज्वःमदुगु योगदान बिया वंपिं विशिष्ट व्यक्तित्वपिनिगु लुमन्तिइ न्हूदँकुन्हु वहया पाँय्म्वः पिथनेगु, अक्षय तृतियाकुन्हु साखःति त्वंकेगु, जनबहाः द्यःया असं याःकुन्हु व पाहांचः¥हेबलय् चतांमरि ह्वलेगु, वसन्त पंचमिया लसताय् वसन्त श्रवण थेंज्याःगु थीथी ज्याझ्वः याना वयाच्वंगु दु ।