नेपालभाषा न्ह्यसःलिसः कासा व न्ह्यसःलिसः

केशरमान ताम्राकार

छगू इलय् अथे धयागु पीदँ न्ह्यः दँय्दसं अन्तर क्याम्पर व अन्तर हाइस्कूल न्ह्यसः लिसः कासा लिसें अन्तर क्याम्पस व अन्तर हाइस्कूल साहित्य सम्मेलन जू । गुगु नेपालभाषाया ज्याझ्वलं नेपालभाषाया नांजाःपिं साहित्यकार, संगीतकार व संकिपाया नायः नकिंत जन्म जूगु दु । उगु ईया ज्याझ्वलं थना हःपिं थौंया थीथी हलिमय् न्ह्याकाच्वंगु ज्याझ्वःया कजि कथं पिलू वःगु दु । उकी मध्ये छम्ह जि नं खः ।
पीदँ तक दिनाच्वंगु न्ह्यसःलिसः कासायात निदँ न्ह्यः हलिं नेवाः दबूया ग्वसालय् क्यानाडाय् च्वंम्ह भाषाह्यःमि विमलमान श्रेष्ठया कजिसुइ न्हापांगु हलिं नेवाः न्ह्यसःलिसः कासा जुल । थुगु कासा खुगू तगिं निसें १२ गू तगिं तकया हलिमय् च्वंपिं विद्यार्थीतय् दथुइ जूगु खः । न्हापांगु न्ह्सः लिसः कासा जुयाः निदँ लिपा निक्वःगु हलिं नेवाः न्ह्यसः लिसः कासा थुगुसी जुल । मुक्कं स्वंगू देय्या २१ गू पुचलं ब्वति काःगु जुल । अले सिरपाः कथं न्हाप सिरपाः द्वःछि डलर, लिउ च्यासः डलर, लियां लिउ खुसः डलर, हःपाः प्यसः डलर लिसें बांलाःगु प्रमाणपत्र बिउगु जुल । अले थुगु निगुलिं कासाया न्ह्यसः लिसः निर्माण कमिटीया कजि जुइगु भाला जितः हे बिउगु जुल । थुगु च्वसुया लिसें निक्वःगु हलिं नेवाः न्ह्यसः लिसः कासाया झिंनिगू कासाय् न्यनागु छगू छगू न्ह्यसः व उकिया संभावित लिसः न्ह्यब्वयेगु याये । अले छिकपिंसं नं थुगु न्ह्यसःयात लिसः बीत न्ह्यपु नायेकादिसँ । न्हापांगु चरणय् न्यागू कासा ।
कासा १या न्ह्यसः
मतयाः जात्रा गन न्यायेकी ?
क) ख्वपय् ख) येँय, ग) यलय् घ) भ्वँतय् ङ) पांगाय् च) पोखराय्
कासा २ या न्ह्यसः
बाह्राः क्वथाय् सुयात दुत छ्वइमखु ?
क) आखः मसःपिंत ख) मस्तय्त ग) ल्यासेतय्त घ) मिजंतय्त ङ) पासापिंत च) तताकेहेँपिंत
कासा ३ या न्ह्यसः
खसभाय्या खँग्वः ‘चौलानि’यात छु धाइ ?
क) क्वाति ख) जाकिसिला ति ग) ककःचाति घ) लाया ति ङ) ग्वारचाति च) छ्वंक्वाति ।
हनुमानया मेगु नां छु खः ?
क) बिरुपाक्ष ख) मारुति ग) भरत घ) संन्यासि च) बटुक छ) चालिसे
कासा ५या न्ह्यसः
दकलय् न्हायापा रेडियाय् न्ह्याकूगु नेपालभाषाया ज्याझ्वः छु खः ?
क) लहना ख) न्याल्लाब्यां ग) नेवाः सः घ) जीवन दबू ङ) मुनासः च) स्वनिगः १००
निगूगु चरण (क्वाटरफाइनल) प्यंगू कासा
कासा ६ या न्ह्यसः
थ्व नेवाः कासाया नां छु खः ? (किपा न्ह्यब्वयेगु)
क) ल्वहंदाया खौ दाया कासा ख) दांगदुंग कासा ग) घः कासा घ) कसिमलापाँय् कासा ङ) यकंधाला कासा च) सर्गः कासा
कासा ७ या न्ह्यसः
सु पञ्च बुद्ध मध्ययेया छम्ह मखु ?
क) बैरोचन ख) अमोघसिद्धि ग) अक्षोभ्य घ) अमिताभ ङ)शाक्यमुनि च) रत्नसम्भव
कासा ८ या न्ह्यसः
खरबुजाय् गुलि प्रतिशत लः दइ ?
क) ९२% ख) ८५ % ग) ७०% घ) ६३ % ङ) ५१% च) ४१%
कासा ९ या न्ह्यसः
न्यूजिल्यान्डया राजधानी छु खः ?
क) वेलिङटन ख) अकल्याण्ड ग) क्रिस चर्च घ) दुने दिन ङ) क्विसटाउन च) न्यू प्लाइमाउथ
स्वंगूगु चरण (सेमिफाइनल) निगू कासा
कासा १०या न्ह्यसः
न्यूटनयात गुरुत्वाकर्षणया बिचाः वःगु स्याउया सिमा गन दु ?
क) माय्साच्यूसेट ख) वर्कले ग) अक्सफोर्ड घ) क्याम्ब्रिज ङ) बर्मिंगघम च) लन्डन
कासा ११ या न्ह्यसः
‘द रोड टु नो ह्वेयर’ सफूया च्वमि सु जुयादी ?
क) कमलप्रकाश मल्ल ख) तेजरत्न कंसाकार ग) बालगोपाल श्रेष्ठ, घ) केशरलाल ङ) सुभाषराम प्रजापति च) ज्याति तुलाधर
प्यंगूगु चरण (फाइनल) छगू कासा
कासा १२ या न्ह्यसः
दकलय् पुलांगु नेपाल खँग्वः च्वयातःगु सन् ५१२ या अभिलेख टिस्तुङया गुम्ह जुजुयागु खः ?
क) वृषदेव ख) धर्मदेव ग) बसन्तदेव घ) रामदेव ङ) अमरदेव च) गंगादेव
थ्व जुल झिंनिगू कासाया छगू छगू कासाया छगू छगू न्ह्यसः लिसः नमूना कथं न्ह्यब्वयागु जुल । प्रत्येक कासाय् न्हापांगु चरणय् २४ गू न्ह्यसःत, निगूगु व स्वंगूगु चरणय् २८ गू न्ह्यसःत व बिजं कासाय् ३२ गू न्ह्यसःत न्यनागु खः । अले प्रत्येक कासाय् प्यंगू पुचलं ब्वति काःगु खः । छगू पुचलय् छम्ह नायः व मेम्ह निम्ह दुजः यानाः स्वम्हेसिया छगू पुचः जुइ । थथे धयागु प्रत्येक कासाय् प्यंगू पुचःया दथुइ धेंधेंबल्लाः जूगु जुल । थुगु दक्व न्ह्यसः लिसः कासाया लागि न्ह्यसः लिसः निर्माण पुचलय् जिगु कजिसुइ समन्त वज्राचार्य, संयुक्त श्रेष्ठ, डा. शुशिलबहादुर ताम्राकार, डा. नरेश शाक्य व पौभाः साय्मि दुगु जुल । प्यम्ह अमेरिकाय् च्वनादीपिं खःसा छम्ह बेलायतय् व मेम्ह नेपालय् च्वनादीम्ह खः ।