न्हूदँया लसताय् येँ–चौतारा मोटरसाइकल र्याली
येँ (नेपालभाषा टाइम्स)- नेपाल संवत् ११४४ न्हूदँया लसताय् जूगु येँ–चौतारा मोटरसाइकल ¥याली शनिवाः येँय् लिथ्यंगु दु । क्लब मार्ग सामुदायिक विकास केन्द्र कालिमातिया ग्वसालय् जूगु ¥याली शुक्रवाः चौतारापाखे वंगु खः । र्यायालीया उलेज्या न्हूदँ समारोह समितिया नायः नरेशमान वज्राचार्य व येँ मनपा १३ वडाया नायः धु्रव नारायण मानन्धरं रिबन चानाः मंकाः कथं यानादीगु खः ।
र्यालीइ न्यय्गः मोटरसाइकल, स्वंगः बस व झिगः कार सहभागी दुगु खः । येँ नं वंगु ¥यालीयात सिन्धुपाल्चोकया सदरमुकाम चौताराय् सिन्धु नेवाः पुचःपाखें ख्येँ सगं बियाः लसकुस याःगु खः । ¥यालीया संयोजक रामशरण डंगोलं स्वनिगलं पिने नं नेपाल संवत्या प्रचारप्रसार यायेगु ताःतुनाः ज्याझ्वः जूगु खँ धयादीगु दु ।
चौताराय् जूगु लसकुस ज्याझ्वलय् मू पाहाँ चौतारा साङ्गाचोक गढी नगरपालिकाया उपप्रमुख सीता थापा, सिन्धु नेवाः पुचःया नायः माधवप्रसाद कर्माचार्य, ५ नं. वडाया अध्यक्ष शिव श्रेष्ठ, लिला फङ्ग घले समाजया सल्लाहकार समितिया संयोजक झम्क घले, श्रीकृष्ण रत्न गंगा उमाबिया प्रधानाध्यापक डम्बर बहादुर श्रेष्ठ क्लब मार्ग सामुदायिक विकास केन्द्रया नायः बाबुराजा महर्जनपिंसं न्ववानादीगु खः ।
LEAVE YOUR COMMENTS