रामशेखरया धिन्ताल्लया निगूगु संस्करण

ख्वप- नेपालभाषाया नांजाःम्ह साहित्यकार नापं ख्यालः च्वमि, निर्देशक, कलाकार मदुम्ह रामशेखर नकःमिया लुमन्तिइ वंगु शनिवाः थनया होटल स्वीट होमय् छगू ज्याझ्वः जुल । नेपाल संवत् ११३९ न्हूदँया लसताय् जूगु रामशेखर लुमन्ति दबू पिदने ज्याझ्वलय् वय्कलं च्वयादीगु ख्यालः मुना सपूm ‘धिन्ताल्ल’या निगूगु संस्करण नं पिथंगु खः ।

संस्थाया कजि गोवन्दमान श्रेष्ठया सभापतित्वय् जूगु ज्याझ्वःया उलेज्या मूपाहां नांजाःम्ह कलाकार मदनकृष्ण श्रेष्ठं यानादीगु खः । उगु हे ज्याझ्वलय् कुतः पिकाकःपाखें पिथंगु रामशेखर नकःमिया ख्यालः मुनाः धिन्ताल्लया निगूगु संस्करण नं पितब्वज्या यानादीगु खः ।
ज्याझ्वलय् साहित्यकारपिं तिलकप्रकाश कायस्थ, नरेन्द्रभक्त हाडा, राजेन्द्रमान शाक्य, कृष्णभक्त बोडे, आशाकाजी थकु लगायतं रामशेखर नकःमिया बारे थःथःगु नुगःखँ तयादीगु खः ।

सम्बन्धित बुखँ

LEAVE YOUR COMMENTS