दिपक तुलाधरयात नेवाः हना सिरपाः
येँ (नेपालभाषा टाइम्स)÷ सक्वया भाषा साहित्य मुँज्या खलःपाखें दँय्दसं बीगु याना वयाच्वंगु ‘नेवाः हना सिरपाः’ थुगुसी मातृभाषा शिक्षाया अभियन्ता दिपक तुलाधरयात बीगु जूगु दु । खलःया नकतिनि च्वंगु मुँज्यां थ्व निर्णय याःगु खः ।
थ्वहे वइगु मंसिर २२ गते सक्वय् जुइगु छगू ज्याझ्वःया दथुइ थ्व सिरपाः लःल्हाइगु ग्वसाः दु । थ्व सिरपाः ५० हजार तका दांया खः । थगुने नेपालभाषाया स्वम्ह वरिष्ठ साहित्यकारपिं मथुरा साय्मि, डा. योगेन्द्र प्रधान व नर्मदेश्वर प्रधानयात थ्व सिरपाः लःल्हाःगु खः ।
नेवाः भासं आखः ब्वंकीगु निजी स्कुल चायेकादीम्ह दिपक तुलाधरं नेवाःतय् हरेक बस्तीइ नेवाः स्कुल चायेकेगु लागिं ‘नेवाः बस्ती नेवाः स्कुल’ अभियान कथं स्वनिगःया थीथी लागाय् नेवाः भाय् नं ब्वंकीगु स्कुल चायेकेगु ज्या यानादीगु खः । लिसें वय्कलं स्वनिगःया आपालं निजी स्कुलय् वनाः नेपालभाषा छगू विषय नं ब्वंकेत इनाप यासें भाषा विषय ब्वंकेत उत्प्रेरित नं यानादीगु खः ।
LEAVE YOUR COMMENTS