जेष्ठ नागरिकपिंत मंकाः म्हपुजा

येँ (नेपालभाषा टाइम्स)- न्हापांगु पलाः नेवाः मिसा पुचलं पीनिम्ह जेष्ठ नागरिकपिनि मंकाः म्हपुजा याःगु दु । वंगु कछलाथ्व पारु म्हपुजा कुन्हु हे जेष्ठ नागरिकपिनि सुस्वास्थ्य, सुखी जीवन व दीर्घायुया कामना यासें म्हपुजा याःगु खः ।

मिसा पुचःया अध्यक्ष शिला साय्मिं दँय्दसं ३५ जेष्ठ नागरिकपिंत म्हपुजा याना वयाच्वनागुलिं थुगुसी ४२ म्हेसित यानागु खँ धयादिल ।

‘ज्याजजिथि मुना, झी निभाः पानाः’ धयागु नारा बियाः कोहितिइ थीथी ज्याझ्वः याना वयाच्वंगु पुचलं थुगुसी कोहिति बहालय् थुकथं मंकाः म्हपुजा याःगु खः ।
पुचलं २०७२ साल निसें ज्याथ जिथिपिनि ‘डे केयर’ थें यानाः भजन यायेगु, धार्मिक बाखं कनेगु, प्याखं हुलेगु थीथी ज्याझ्वः याना वयाच्वंगु दु ।