अमेरिकाय् कवि जकःमियात सम्मान

येँ- अमेरिकाय् च्वनाच्वंपिं नेवाःतय् संस्था नेपाः पासा पुचः अमेरिकाय्पाखें लोककवि राजभाइ जकःमियात हनेज्या याःगु दु । संस्थापाखें कवि जकःमियात वंगु सेप्टेम्बर २८ तारिख सापारुकुन्हु छगू ज्याझ्वःया दथुइ सम्मान याःगु खः ।

अमेरिकाया मेरिल्याण्ड सहरय् च्वंगु ह्विटन रिजनल पार्कय् छगू गुँभ्वय् यासें वय्कःयात हनापौ लःल्हासें सम्मान याःगु खः। संस्थाया नायः राजु जोशीं कवि जकःमितयात हनापौ लःल्हानादीगु खः ।
पुचःपाखें तःदँ न्ह्यवंनिसें सापारु नखः हना वयाच्वंगु दुुसा थुुगुसी नं उकथं नखः हनेगु झ्वलय् थुगु दँय् मदुपिनिगु लुमन्तिइ किपा ब्वयाः सांस्कृतिक बाजंलिसें सायाः नं पिथंगु खः ।

ज्याझ्वलय् संस्थाया संस्थापक नायः राम मालाकार, नेवाः अर्गनाइजेसन अफ अमेरिकाया यज्ञमान शाक्य लगायतया उपस्थिति दुगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु