कुमारी भौमचा पिदन

किपू (नेपालभाषा टाइम्स)÷ च्वमि राजेन्द्रकुमार ‘पुता’या लघु उपन्यास कुमारी भौमचाया चिखिफ्यनेज्या वंगु कौलाथ्व सप्तमी कुन्हु जुल । किपू नगरपालिकाया उपमेयर शुभलक्ष्मी शाक्य मू पाहां व नेपालभाषा एकेडेमीया भाइस चान्सलर मल्ल के सुन्दरजु विशेष पाहां कथं झायादीगुु ज्याझ्वलय् वय्कः निम्हसिगु ल्हातं चिखिफ्यनेज्या जूगु खः ।

कीर्ति रिसर्च सेन्टरया ग्वसालय् जूगु ज्याझ्वलय् कुमारी भौमचा लघु उपन्यासया समिक्षा प्रा. डा. चन्द्रमान वज्राचार्य व विशेष पाहाँ मल्लं यानादीगु खःसा पाठकया मिखां खंगु खँ च्वमि व संस्कृतिविद् प्रयागमान प्रधानं कनादीगु खः । कीर्ति रिसर्च सेन्टरया नायः डा. वज्रमुनि वज्राचार्यया सभापतित्वय् जूगु ज्याझ्वः कवयित्री रजनीमिलां न्ह्याकादिइगु खः ।

लघु उपन्यास कथं च्वया–तःगु कुमारी भौमचा च्वमि राजेन्द्रकुमार ‘पुता’या निगूगु उपन्यास खः । थ्वयां न्ह्यः च्वमि पुताया खिउँफल्चा उपन्यास पिदनेधुंकूगु दु ।

नेपालभाषा टाइम्स

च्वमिया मेमेगु

• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु
• भाषा विधेयक राजपत्रय् पिहां वल
• रुसी सेनाय् नेपाःमि बारे अध्ययन समिति